2009 -2012

Åarjelsaemien sosialdemokratihke forumen provgramme

Åarjelsaemien sosialdemokratihke forumen provgramme, 2009 -2012

Daah leah mijjien politihken åejvietsiehkieh, Saemiedigkien, staaten jïh fylhki muhteste, jïh aaj tjïeltide mijjien dajvine.

Åarjelsaemien dajvi Barkoebielie, 6. veeljemegïevleste, sæjhta:

1. Saemiej reaktah nænnoestidh, juktie galka eadtjohke laakan gïehtjedidh ahte SRU II/ Mubpede saemiereaktajmoenehtsen barkoe evtede, jïh dïedtedh nov guktie Nordihke saemienkonvensjovne nænnoeståvva.

2. Gïehtjedidh ahte saemien kultuvredajvide seatede, ahte saemieh gelkieh åadtjodh orre jielemassi gujmie gïehtelidh, jïh ahte Saemiedigkie nov galka jielemassepolitihkem stuvredh. Nov aaj galka båatsoen nuepieh gorredidh, guktie jïjnjebh almetjh gaertjies tsiehkine bearkadieh. Galka turismem eevtiedidh saemien jielemassi mietie jïh saemien vierhtiej våaromisnie. Jïh ellies saemien vaejsjiepolitihkem eevtiedidh, guktie ealoeburrieh åadtjoeh jïjtsh ealoeh gorredidh.

3. fassedidh saemien gïelem jïh siebredahkem nænnoestidh, jïh nov aaj saemien kultuvrejieleme jïh meadiafaaleldahkh bueriedidh

4. gïehtjedidh ahte saemieh åadtjoeh sjïehtesjamme jïh mïrrestalleme byjjes faaleldahkh. Dellie aaj saemien maanah jïh noerh gelkieh åadtjodh buerie maanagïerte-faaleldahkh, buerie learoevierhtieh jïh ööhpehtimmietsiehkieh mah leah sjïehtedamme maanan gïeletsæhkan jïh kultuvrevåaromasse. Galka noeride skreejredidh jollebe ööhpehtimmiem vaeltedh.

5. saemien vierhtie- jïh maahtoegoevtesh eevtiedidh;
- Elgåen Bïevnesegoevtese
- Åarjelsaemien gærhkoe Maajejaevresne
- Åarjelsaemien maahtoegærjagåetie jïh våårhkoe
- stilledh universitetide jïh jolleskovlide jïjtsh faaleldahkh eevtiedidh, jïh dotkemem nænnoestidh saemien gïelen muhteste
6. gïehtjedidh ahte fylhketjïelth jïh tjïelth mijjien dajvine jïjtsh politihkide eevtiedieh saemien aamhtesi muhteste

7. eadtjoestidh rasti rastah ektiebarkoem eevtiedidh, guktie ektievoete sveerjen saemiej gujmie nynnehkåbpoe sjædta

8. barkedh saemienlaakem jeatjadehtedh guktie daaroen paarrebielieh aaj åadtjoeh ektievoetem åeliedidh, jïh Saemiedigkienveeljemisnie gïelem vedtedh