Báikegotteolbmot ja resurssaguovllut

Mii vásihat stáhta beroštumi giddet Finnmárkkus dehálaš meahcceriggodatguovlu. Resurssa guovlun oaivvildan mun sihke eatnamiid ja čáhcadagaid (mearas) maid ássit geavahit ja ávkkástallet.
Bihtáid miel váldá stáhta badjelasas ja gidde báikegotteolbmuid resurssa guovlluid, go addet vuoigatvuođaid resurssa guovlluid earáide, dahje sii suodjalit daid guovllu.
Albmot masset guovlluid maid sii leat hálddašan ja gos sii leat viežžan iežaset biebmu birgejupmái don dolin rájes juo. Mun oaidnán muhtimat dál háliidit ja geahččalit suodjalit dahje eret addit obba Finnmárkku. Dan sii dahket go ájahallet áššemeannudemiin, váldet vuoigatvuođaid smávva osiid miel, dassážiigo buot lea váldon.
Mun gáibidan duođalaš bargovuogi stáhta beales vai sii rahkadit ollislaš plána go lea sáhka suodjalit guovlluid ja go vuoigatvuođat juohkojuvvojit nannámis ja mearas.
Jus stáhta ii hálit dahje nákce dan dahkat, de mu oaivil miel berrejit buot suodjalan bargut bissehuvvot.

Ronny Wilhelmsen, Norga Bargiidbellodaga álbmotválljejuvvon sámediggeáirras