Dáiddačájáhusa rahpan Sámi Dáiddaguovddážis
Sámediggepresideantta Egil Olli rahpansárdni, Kárášjogas 22.11.07
2007-11-23 Webmaster-I
Buorit olbmot!
Sámedikki bealis giittán bovdejumi ovddas rahpat guokte ođđa dáiddačájáhusa Sámi Dáiddaguovddážis, namalassii dán jagáš John Savio stipendiáhttačájáhusa. ja Juovlamánučájáhusa
Smávit čájáhuslanjas dollo jagi 2007 John Savio stipeandaoažžu čájáhus. Dán jagi stipeandaoažžu lea Inga Nordsletta Pedersen. Inga lea Kárášjogas eret ja son bargá govvagođđosiiguin ja gráfihkkan masa sus maiddái lea oahppu. Gráfihkka govaid bokte muittaša Iŋgá iežas mánnávuođa ovdal ja maŋŋá soađi. Govat naivistalaš hámis govvidit dan árbevirolaš argabeaivvi Kárášjogas ja Kárášjoht guovllus muitaleaddji hámis. Maiddái su govvagođđosat leat dán hámis ja sáhttet gehččojuvvot dego joatkan su gráfihkkabarggus.
John Savio nammasaš stipeanda juhkkojuvvo jahkásaččat ja lea sierra fágalávdegoddi mii árvala gii ain galgá oažžut stipeandda. Fágalávdegoddi ákkastalai ná go árvaledje Ingái stipeandda:
”Inga Nordsletta Pedersen lea nana dáiddár guhte čuovvu iežas áiggehis prošeavtta sárgut áŋgiris geahčči geahčastaga. Son iežas dáidaga bokte boktá fuomášumi mánnávuođamuittuide, odná argabeaivvi eallimii gitta piŋvina hástaleaddji hápmái”
Mun lean ilus go gávdnojit hutkás olbmot, olbmot geain leat iešguđetlágan dáiddalaš attáldagat geat rahpet midjjiide earalágan máilmmi, geat addet midjiide vásáhusvejolašvuođaid ja bibmet sielu. Dáidda lea riggodahkan min eallimii ja sáhttá guoskkahallat máŋgga ládje, oažžut ovdan dovdduid ja jurdagiid. Dáiddáriid haga livččii máilbmi leamaš ollu earalágan ja ránis.
Dán jagáš juovlamánočájáhus lea Sámi Dáiddačehpiid Searvvi miellahttočájáhus mas lea fáddán ”Olgun-siste”. Čájáhusas beassat oaidnit movt iešguđetgelágan tekniihkat ja ivdnegeavaheamit leat geavahuvvon. Sihke čuolahusat, njuohtamat, duojit ja govviduvvongovat. Vuhtto ahte dán jagáš fáddá leamaš hástalussan miellahttuide ja bohtosat sin dulkomis fáttás leat miellagiddevačča.
Dáiguin sániiguin raban čájáhusa ja sávan lihku čájáhusain.
Ollu giitu.
Sámedikki bealis giittán bovdejumi ovddas rahpat guokte ođđa dáiddačájáhusa Sámi Dáiddaguovddážis, namalassii dán jagáš John Savio stipendiáhttačájáhusa. ja Juovlamánučájáhusa
Smávit čájáhuslanjas dollo jagi 2007 John Savio stipeandaoažžu čájáhus. Dán jagi stipeandaoažžu lea Inga Nordsletta Pedersen. Inga lea Kárášjogas eret ja son bargá govvagođđosiiguin ja gráfihkkan masa sus maiddái lea oahppu. Gráfihkka govaid bokte muittaša Iŋgá iežas mánnávuođa ovdal ja maŋŋá soađi. Govat naivistalaš hámis govvidit dan árbevirolaš argabeaivvi Kárášjogas ja Kárášjoht guovllus muitaleaddji hámis. Maiddái su govvagođđosat leat dán hámis ja sáhttet gehččojuvvot dego joatkan su gráfihkkabarggus.
John Savio nammasaš stipeanda juhkkojuvvo jahkásaččat ja lea sierra fágalávdegoddi mii árvala gii ain galgá oažžut stipeandda. Fágalávdegoddi ákkastalai ná go árvaledje Ingái stipeandda:
”Inga Nordsletta Pedersen lea nana dáiddár guhte čuovvu iežas áiggehis prošeavtta sárgut áŋgiris geahčči geahčastaga. Son iežas dáidaga bokte boktá fuomášumi mánnávuođamuittuide, odná argabeaivvi eallimii gitta piŋvina hástaleaddji hápmái”
Mun lean ilus go gávdnojit hutkás olbmot, olbmot geain leat iešguđetlágan dáiddalaš attáldagat geat rahpet midjjiide earalágan máilmmi, geat addet midjiide vásáhusvejolašvuođaid ja bibmet sielu. Dáidda lea riggodahkan min eallimii ja sáhttá guoskkahallat máŋgga ládje, oažžut ovdan dovdduid ja jurdagiid. Dáiddáriid haga livččii máilbmi leamaš ollu earalágan ja ránis.
Dán jagáš juovlamánočájáhus lea Sámi Dáiddačehpiid Searvvi miellahttočájáhus mas lea fáddán ”Olgun-siste”. Čájáhusas beassat oaidnit movt iešguđetgelágan tekniihkat ja ivdnegeavaheamit leat geavahuvvon. Sihke čuolahusat, njuohtamat, duojit ja govviduvvongovat. Vuhtto ahte dán jagáš fáddá leamaš hástalussan miellahttuide ja bohtosat sin dulkomis fáttás leat miellagiddevačča.
Dáiguin sániiguin raban čájáhusa ja sávan lihku čájáhusain.
Ollu giitu.
Skriv ut
Tips en venn