Dál ferte vuoruhit kultuvrra ja ealáhusaid Sámedikkis.
Mii hástalat daid Sámediggeáirasiid geat beroštit sámi servodagas, ja geat attášit eanet ruđaid dábálaš olbmuide, duođaid árvvoštallat eai go sáhtašii doarjut Bargiidbellodaga bušeahttaárvalusa.
2006-11-23 Webmaster-I
Dál ferte vuoruhit kultuvrra ja ealáhusaid Sámedikkis.Bargiidbellodat lea molssaevttolaš bušeahttaárvalusas evttohan 1,8 mill kr eanet Sámedikki kulturulbmáluššamii, 2,2 mill kr eanet ealáhusaide ja 0,2 mill kr eanet oahpahussii.
Sámedikki eanetlohku ferte áddegoahtit dárbbu mii lea sámi servodagas eanet ruđaide. Stuorámus hástalusat leat kultuvrra ja ealáhusaid bealis, ja min molssaevttolaš bušeahttaárvalusa vuođul livčče dilli buorránan mealgat dáid surggiin, dadjá Willy Ørnebakk Bargiidbellodaga Sámediggejoavkkus.
Mii hástalat daid Sámediggeáirasiid geat beroštit sámi servodagas, ja geat attášit eanet ruđaid dábálaš olbmuide, duođaid árvvoštallat eai go sáhtašii doarjut Bargiidbellodaga bušeahttaárvalusa.
Bargiidbellodaga sámediggejoavku oaivvilda ahte jus beavttálmahtašii hálddahusa ja doaimma politihkálaš dásis de livččejit eanet ruđat kultuvrii, ealáhusaide ja oahpahussii.
Min ulbmil lea ahte eanemus oassi ruđain maid Sámediggi oažžu stáhtabušeahta badjel, galgá mannat njuolga doaibmabijuide mat leat ávkin sámi álbmogii, loahpaha Willy Ørnebakk.
Gulahallanolmmoš: Willy Ørnebakk telefuvdna 777 15 472 mobil faksa 777 15 498 epoasta willyorn@online.no
Skriv ut
Tips en venn