Dálkkádatrievdamat ja eamiálbmogat

Lea buorre go Sámedikkeráđi lea lágidan dálkkádat seminara, ja mun jáhkan ahte midjiide buohkaide lei ávkin gullat dálkkádat bargguid ja dutkanprošeavttaid birra.

Lea buorre ahte dálkkádat dutkan lea maiddái Sámis.

Mii diehtit ahte eamitálbmogiin lea leamaš ja lea ain ollu máhtolašvuohta ja diehtu dálkkádaga birra.
Eamitálbmot lea alot heivehan iežaset eallima luonddu ektui, muhto min máhtolašvuohta ii leat álo árvvus atnojuvvon stuorát servvodagas.
Dat lea dárbbašlas ođđa jurddašeapmái mii guoská e.e. dálkkádahkii. Muhto mángii orru nu ahte árbevirolaš eallinvuohkki gáržžiduvvo, ja báikkit/ guovllut suoddjaluvvojit.

Okta ovdamearka lea go árbevirolaš luonddugeavaheaddjit áigot meahccái, de lea issoras sáhka luonddu nuoskkideames. Muhto orro máŋgi nu ahte go turistat áigot meahccái de gal ii gullo mihkkige, muhto baicce ortnejuvvjo vai sii besset lundui.

Sáhttá jearrat, áigutgo mii vuoruhit árbevirolaš luonndugeavaheaddjid vai turistaid boahtteáigges?