Davveguovllu válgaprográmma 2009 - 2013

Válgaprográmma 2009-2013
Davveguovllu válgabiirii


Bargiidbellodat áigu bargat dan ovddas ahte sámit šaddet vuovdnát iežaset identitehtain. Sámi historjá ja gullevašvuohta ferte šaddat eambbo oainnusin min válgabiires.

Oahpaheapmi ja giella
Bargiidbellodaga sámediggejoavku áigu bargat dan ovddas ahte:
- šaddá dohkálaš sámi mánáidgárdefálaldat
- rekrutterejuvvojit eanet sámi oahpaheaddjit
- sámevuohta ovttaiduvvo nannoseappot kulturskuvlii
- giliskuvllat sáhttet bisuhuvvot
- ásahuvvojit eambbo giellaguovddážat ja ahte Finnmárkku allaskuvla fállá sámegiel oahpaheami
- alit sámi dáiddafágalaš oahppu ásahuvvo ovttas Finnmárkku allaskuvllain

Kultuvra
Bargiidbellodaga sámediggejoavku áigu bargat dan ovddas ahte:
- mearrasámi borramušvierut duođaštuvvojit ja viidáset fievrreduvvojit vuođđoskuvlla / joatkkaskuvlla oahpaheamis.
- mearrasámi guovllut ožžot vejolašvuođa ovdanbidjat iežaset historjjá giela, kultuvrra ja ealáhusa dáfus.

Ealáhus
Bargiidbellodaga sámediggejoavku áigu bargat dan ovddas ahte:
- boazodoallu oažžu rámmaeavttuid maiguin bisuha vejolašvuođa joatkit boazodoaluin ja bisuhit dálá guovlluid mat leat ráfáiduhttojuvvon bohccuid vuostá
- historjjálaš guolástanriekti máhcahuvvo fas riddo- ja vuotnaguolásteddjiide
- eanandoallu nannejuvvo sámi guovlluin
- mearrasámi duodji duođaštuvvo ja nannejuvvo ekonomalaččat
- hivvodatgoziheapmi – ja registreren boraspiriin nannejuvvo seammás go boraspirelohku unniduvvo doppe gos lea beare allat
- addojuvvo vejolašvuohta bivdit eanet njuorjjuid
- olju, gássa- ja minerálabohkamat galget buktit báikkálaš ja regionálalaš liigeváikkuhusaid

Johtalus
Bargiidbellodaga sámediggejoavku áigu bargat dan ovddas ahte:
- E6:s Áltái gárvvistuvvo, riddogeaidnu gaskal Álttá ja Fálesnuori huksejuvvo gárvvisin, Sørkjosfjellet buoriduvvo ja ahte Sievjjus ráhkaduvvo oktavuohta nannámii
- girdiruktofálaldat bisuhuvvo ja nannejuvvo
- bissovaččat merkejuvvojit skohterláhtut mat ovttastahttojuvvot suohkaniid ja riikkarájiid rastá, ja nu ahte skohterláhtut/bievlaláhtut merkejuvvojit ovtta našunálastandárdda mielde
- jođánisruvtto joatká ain boahtime min riddoguovlluide