Ealgabivddu guhkideapmi

Ealgabivddu guhkideapmi
Ealgabivddu guhkidanohcamat Finnmárkkus leat ovdal mearriduvvon gielddain. Dát ortnet lea dál rievdaduvvon nu ahte Fylkkamánni meannuda ja mearrida ealgabivddu guhkidanohcamiid. Bargiidbellodaga sámedikkejoavku háliida fas ahte dát ortnet gos gielddat válde dáid mearrádusaid geavahuvvošii.
Mii oaivvildat ahte dát hálddašeapmi galggašii leat vuolimus dásis, gielddaid dásis.
Gielddain lea dárkilis báikkálaš diehtu ealgabivddus ja dan hálddašeamis, maiddái dan hárrái ahte dat báikkálaččat oktiiordnejuvvo boazodoaluin. Gielddaide mat galget gozihit nálleplánaid ja ealgabivdiide, attášii dat oadjebasvuođa go livččii oanehis ja jođánis mearrideapmi báikkálaš hálddašandásis.