Filbmafoanda
Sámediggeáirras Jørn Are Gaski leai biddjan Sámediggeráđđái gažaldaga movt ráđđi oaidná daid hastalusaid mat leat sámi filbma ovddáneames.
2009-12-02 Webmaster-I
Vástádus gažaldahkii Sámediggeráđđái Sámedikki čoahkkinortnega § 11 vuođul - Sámi filbmafoanda
Filbma lea dakkár media mii juksá ollugiid. Sámediggái lea deaŧalaš ahte Riikkaidgaskasaš sámi filbmaguovddáš (RSF) Guovdageainnus galgá huksejuvvot nana sámi kulturdoaimmaheaddjin. Árat dán čavčča oaččui RSF álggahanruđaid Sámedikkis ja Finnmárkku fylkkagielddas. Dan lassin lea Guovdageainnu suohkan ja Kultur- ja girkodepartemeanta addán ruđaid. Sii leat jo ráhkadeamen guovddáža formálalaš vuođu ja sis leat ollu gelddolaš jurdagat bargui ovddosguvlui.
Sámediggeráđis lea aiddo báliid leamaš čoahkkin guovddážiin mas guovddáža jođiheapmi ja ásaheapmi lei fáddán. Dán čoahkkimis ságaškuššojuvvui maiddái boahttevaš sámi filbmafoanda. Ráđđái lea deaŧalaš ahte RSF huksejuvvo orgánan mas leat almmolaš eaiggádat ja mii ruhtaduvvo almmolaččat, seammaláhkai go eará guovddážat ge maiguin lea lunddolaš buohtastahttit. Dán barggu lea RSF čađaheamen ja Sámediggeráđđi evttoha ahte Sámediggi šaddá okta RSFa eaiggádiin. Sámediggeráđis lea buorre gulahallan filbmaguovddážiin boahtteáiggi birra, man vuosttaš lávki lea oasusemišuvdna masa almmolaš oassálastit bovdejuvvojit oasuseaiggádin ja eaiggádin. Seammás áigu RSF bargat viidáseappot filbmafoandda vuođđudeami formálalaš beliiguin. Nu fargga go vuođđudeami formálalaš bealit leat čađahuvvon, de mii sáhttit konkrehta árvvoštallat Sámedikki oassálastima foandda ruhtadeapmái. Dát čuovvoluvvo maiddái eará guoskevaš ruhtadeaddjiid ektui.
Sámi filbmabuvttadeami ovddideapmi čatnasa čavga guoskevaš buvttademiid gealbudeapmái ja ruhtadeapmái. Sámediggeráđđi lea ilus go Riikkaidgaskasaš sámi filbmaguovddáža ásaheapmi dál lea bures jođus ja ahte sámi filbmaráhkadeaddjiid gelbbolašvuohta dákko bokte nannejuvvo. Sámediggeráđđi doarju maiddái Sámi filbmafoandda vuođđudeami, ja áigu meannudit ášši go boahttevaš stivra lea ráhkadan foandaevttohusa ja bovden beliid searvat foandaruhtadeapmái. Sámi filbmafoandda vuođđudeapmi čatnasa čavga nannoset sámi filbmabirrasa ovddideapmái ja sámediggeráđis leat vuordámušat dasa ahte dakkár foanda áiggi mielde ovddiduvvo oktasaš, riikkaidgaskasaš sámi filbmafoandan mas leat ruhtadeaddjit máŋgga riikkas.
Filbma lea dakkár media mii juksá ollugiid. Sámediggái lea deaŧalaš ahte Riikkaidgaskasaš sámi filbmaguovddáš (RSF) Guovdageainnus galgá huksejuvvot nana sámi kulturdoaimmaheaddjin. Árat dán čavčča oaččui RSF álggahanruđaid Sámedikkis ja Finnmárkku fylkkagielddas. Dan lassin lea Guovdageainnu suohkan ja Kultur- ja girkodepartemeanta addán ruđaid. Sii leat jo ráhkadeamen guovddáža formálalaš vuođu ja sis leat ollu gelddolaš jurdagat bargui ovddosguvlui.
Sámediggeráđis lea aiddo báliid leamaš čoahkkin guovddážiin mas guovddáža jođiheapmi ja ásaheapmi lei fáddán. Dán čoahkkimis ságaškuššojuvvui maiddái boahttevaš sámi filbmafoanda. Ráđđái lea deaŧalaš ahte RSF huksejuvvo orgánan mas leat almmolaš eaiggádat ja mii ruhtaduvvo almmolaččat, seammaláhkai go eará guovddážat ge maiguin lea lunddolaš buohtastahttit. Dán barggu lea RSF čađaheamen ja Sámediggeráđđi evttoha ahte Sámediggi šaddá okta RSFa eaiggádiin. Sámediggeráđis lea buorre gulahallan filbmaguovddážiin boahtteáiggi birra, man vuosttaš lávki lea oasusemišuvdna masa almmolaš oassálastit bovdejuvvojit oasuseaiggádin ja eaiggádin. Seammás áigu RSF bargat viidáseappot filbmafoandda vuođđudeami formálalaš beliiguin. Nu fargga go vuođđudeami formálalaš bealit leat čađahuvvon, de mii sáhttit konkrehta árvvoštallat Sámedikki oassálastima foandda ruhtadeapmái. Dát čuovvoluvvo maiddái eará guoskevaš ruhtadeaddjiid ektui.
Sámi filbmabuvttadeami ovddideapmi čatnasa čavga guoskevaš buvttademiid gealbudeapmái ja ruhtadeapmái. Sámediggeráđđi lea ilus go Riikkaidgaskasaš sámi filbmaguovddáža ásaheapmi dál lea bures jođus ja ahte sámi filbmaráhkadeaddjiid gelbbolašvuohta dákko bokte nannejuvvo. Sámediggeráđđi doarju maiddái Sámi filbmafoandda vuođđudeami, ja áigu meannudit ášši go boahttevaš stivra lea ráhkadan foandaevttohusa ja bovden beliid searvat foandaruhtadeapmái. Sámi filbmafoandda vuođđudeapmi čatnasa čavga nannoset sámi filbmabirrasa ovddideapmái ja sámediggeráđis leat vuordámušat dasa ahte dakkár foanda áiggi mielde ovddiduvvo oktasaš, riikkaidgaskasaš sámi filbmafoandan mas leat ruhtadeaddjit máŋgga riikkas.
Čálit
Cavgil ustibii