Gárgidan luosat – miljonsturrosaš birasrihkolašvuohta
Dál fertejit eiseválddit ásahit dustehusdoaimma man mearradoalloealáhus ieš ruhtada
2007-01-10 Webmaster-I
Preassadieđáhus
Gárgidan luosat – miljonsturrosaš birasrihkolašvuohta
2006 šattái vearrámus almmolaš gárgidanjahki 1998 rájes go olles 786 000 luosa ja dápmoha leat beassan lundui. Dál fertejit eiseválddit ásahit dustehusdoaimma man mearradoalloealáhus ieš ruhtada. Dan dihte liikot mii cealkámuššii man Guolástus- ja riddodepartemeantta politihkalaš ráđđeaddi Kari-Anne Opsal attii teksta-TV:ii dustehusortnega birra mas ámmátguolásteaddjit galget bivdit gárgidan biebmoluosaid.
Bargiidbellodaga sámediggejoavku doarju dán cealkámuša ja mii leat ge máŋgii juo Sámedikkis ávžžuhan farggamusat ásahit riikkaviidosaš biebmoluossadustehusa seamma vuogi mielde go mis lea Oljodustehusdoaibma. Mii eat sáhte šat dohkkehit ahte mearradoalloealáhus ii aktiivvalaččat bargga gitta váldit luosaid mat leat gárgidan. Jus seamma ollu gárgidit boahtteáiggis, ja jogas gártá 20 % gárgidan biebmoluossa, de billohuvvá dán joga luosaid genehtalaš erenoamášvuohta 10 luossabuolvva áiggis. Dán birasrihkolašvuođa fertejit eiseválddit bissehit, lohká Bargiidbellodaga sámediggeáirras Josef Vedhugnes.
Gulahallanolmmoš: Josef Vedhugnes
Bargiidbellodaga sámediggeáirras Porsáŋggu válgabiires
Tlf 48 28 91 53
Gárgidan luosat – miljonsturrosaš birasrihkolašvuohta
2006 šattái vearrámus almmolaš gárgidanjahki 1998 rájes go olles 786 000 luosa ja dápmoha leat beassan lundui. Dál fertejit eiseválddit ásahit dustehusdoaimma man mearradoalloealáhus ieš ruhtada. Dan dihte liikot mii cealkámuššii man Guolástus- ja riddodepartemeantta politihkalaš ráđđeaddi Kari-Anne Opsal attii teksta-TV:ii dustehusortnega birra mas ámmátguolásteaddjit galget bivdit gárgidan biebmoluosaid.
Bargiidbellodaga sámediggejoavku doarju dán cealkámuša ja mii leat ge máŋgii juo Sámedikkis ávžžuhan farggamusat ásahit riikkaviidosaš biebmoluossadustehusa seamma vuogi mielde go mis lea Oljodustehusdoaibma. Mii eat sáhte šat dohkkehit ahte mearradoalloealáhus ii aktiivvalaččat bargga gitta váldit luosaid mat leat gárgidan. Jus seamma ollu gárgidit boahtteáiggis, ja jogas gártá 20 % gárgidan biebmoluossa, de billohuvvá dán joga luosaid genehtalaš erenoamášvuohta 10 luossabuolvva áiggis. Dán birasrihkolašvuođa fertejit eiseválddit bissehit, lohká Bargiidbellodaga sámediggeáirras Josef Vedhugnes.
Gulahallanolmmoš: Josef Vedhugnes
Bargiidbellodaga sámediggeáirras Porsáŋggu válgabiires
Tlf 48 28 91 53
Skriv ut
Tips en venn