Geaidnuhuksen mearrasámi gillái Njeareveaddji Deanuvuonas

Sámediggi lea 1991:s bivdán johtolateiseválddiid árvvoštallat plánaid hukset geainnu Njeareveadjái, 2001:s meannudii Sámediggi ášši ođđasis ja bivddii Sámediggeráđi váldit fas ovdan ášši eiseválddiiguin. Áššis 40/04 juolludii Sámediggi ruđaid geaidnobargoovdatprošektii, ja nu dagai maid Finnmárkku fylkkagielda ja Gáŋgaviikka gielda.

Mearrasámi álbmogis Njeareveajes lea "čielgi seainne njeaiga", gilli lea kritihkalaš dásis man oktavuođas molssaeavttut leat eaŋkalat, juogo fárret eret ja nu massit máŋimuš ealli mearrasámi kultuvrra eallinvuođu.

Njeareveaji olbmot eai galgga dárbbašit bidjat iežaset stobuid, fatnasiid ja bargosajiid pantan, ja leat dáhkideamen áŋgiruššamiid infrastruktuvrra ja distrivttaid ovdánahttima ektui.

Ášši lea dál guorahallojuvvomin ovdaprošeavtta bokte, ja lea álggahuvvon proseassa geaidnoprošeavtta muddenplánain. Njeareveaji álbmoga ovddasteaddjit oaivvildit ahte sis lea stuorra áddejupmi boazodoalu oainnuide ja áigot miehtat nu guhkás go vejolaš gávdnan dihte ovttamielalaš čovdosa.

Báikkálaš ja guovllulaš eiseválddit leat dovddahan ahte sis eai leat ruđat ruhtadit geainnu. Danne ferte Sámediggi váldit ovddasvástádusa juolludeaddji eiseválddiid guovdu sihkkarastin dihte geainnu ruhtadeami, nu ahte geaidnohuksema sáhttá álggahit dalán go muddenbargguin leat geargan.