Guolásteaddjit vuonain dahtot sihkar boahteáiggi

Guolásteaddjit vuonain dahtot sihkar boahteáiggi
Lea váidalahtti go Finnmárkku guolástansearvvi celkkii iežas jahkečoahkkimis vuostehagu Carsten Smith lávdegotti árvalussii. Guolástansearvi ii sáhtán geahčat ovdeli go leai sáhka movt boahteáigi galgá leat riddo- ja vuotnabivdiide.
Sámi guolálasteaddjin lea stuorra jahku ja doaivu Riddoguolástan lávdegotti árvalusa olis.
Vuotna ja riddogáttiid ássiin Finnmárkkus lea historjálaš geavahanvuoigatvuohta guolástit mearas olggobealde Finnmárkku, álbmot rievtti ektui.
Mii avžžuhit Ráđđehusa čuovvolit Riddoguolástan lávdegotti árvalusa, beroškeattá maid Finnmárkku guolástansearvvi cealkká.