Språk Språk
Siste nytt»Forside»Lulesamisk

Barggijbelludagá sámepolitihkalasj foruma válggaprográmma vidát válggabijran Viestarmerra

Barggijbelludagá sámepolitihkalasj forum válggabijran nr. 5 ájggu válggagávdan 2013 – 2017 barggat:

• Vaj oahpponævo sáme oahppijda li sadjihin navku. Ja vaj refusjåvnnåmiere gåbttji suohkanij ja fylkkasuohkanij almma ruhtagålov gå fálli sámegiela åhpadimev.

• Vaj sáme nuora arvusmahteduvvi alep åhpadusáv låhkåt ja máhtudahka sáme sebrudahkaj máhtsaduvvá – aktan desentraliseridum sáme åhpadiddjeåhpadusá Harstaj ja Bådåddjuj.

• Vaj sáme gudi li massám ietjas gielav dárojduhttema baktu, fáladuvvi vejulasjvuodav sámegielav oahppat navku åhpadime/kursaj baktu.

Ájnas la hiebadahttet bihtámsámegiela ælládahttemav, ja nannit doajmmavuodov Bihtámsáme viessuj ja museaj. Dájt ássjijt mij sihtap tjalmostahttet ålles gávdan:

• Ásadit máhtudakguovdátjijt giellalávggom-mánájgárddemodellajn Lavangenin.

• Ásadit julevsáme giellalávggo-mánájgárdev Bådådjon.

• Nannit sáme giellaguovdátjij rámmadilev.

• Nannit sáme institusjåvnåj doajmmadilev válggabijran:

Árran julevsáme guovdásj, Bihtámsáme viesso, Várdobáiki sáme guovdásj, Vilgesvárri sáme årromsadje, Márkomeannu, Beaivveálgu, Julevsáme vahkko.

• “Kulturbussa” Oarjjel-Råmsån vijdet doajmmaguovlov ja sjaddá sáme kulturbussa básajn giellaguovdatjin.

• Guolástuspolitihkka galggá sihkarasstet vaj bájkálasj sebrudagá merragátten bessi luondov ávkástallat.

• Merrasámij árbbedábálasj bivddemvuodo viertti sihkarasteduvvat, miehttseæládusá ja sáme addnedábe galggi bisoduvvat, ja suohkana guollebiebmadimæládusá konsesjåvnåjt åmasti.

• Dahkat sáme sebrudagáv miellagiddisin boahtte buolvajda ednambarggoareálaj vuorodime baktu.

• Boatsojæládusáv bisodit sáme æládussan ja kultuvrraguodden, buorre ekonomalasj ja ekologalasj vuodujn, ja nannit sosiála ja kultuvralasj dilev æládusán.

• Urudispolitihkka ásaduvvá vaj guohtomæládusájn le vuodo joarkket

Hiebadahttet ienep aktisasjdivudagáj ja bagádallevirgij, d.d. Várdobáiki duodjeguovdátjin Rágan ja duodje-bagádallij julevsáme guovlon.

Mijá mielas la ájnas máná ja nuora oadtju máhttelisvuodav oahppat duodjuhit váj sáme kultuvrav nanni.

Ájggop aj barggat Divtasvuona guovllomedisijnalasj guovdátjav ásadit moattekultuvralasj sisanujn. Ájnas la ållågasj plána dagáduvvi juohkka doajmmaj mij guosská sáme guovlojda, dagu suodjalimguovloj ásadibme, fábmostuoredibme ja nuorttalij-vuonaruovdderahte.

Midjij le ájnas guoddelis fábmo aneduvvá ja miejnnip danen bieggamillopárka nuoren vierttiji liehket máhttelis gálldo ruodná fábmuj. Dáv danen gå galggap vieledit sáme álmmugav ja mijá årromav ja æládusiellemav boahtte ájgijda.

Sáme giella ja kultuvrra vierttiji sadjihin ienep ulmutjijda. Mij ájggop dan diehti barggat:

• Hiebadahttet sáme æjvvalimsajev ja tjalmostahttet sáme kultuvrav ådå kulturkvartálan Bådådjon.

• Nannit sáme sisanov kultuvralasj skåvllåvuossan

• Ásadit rikskonsertaj muoduk årnigav åvdedittjat sáme musihkav, dájdav ja teáhterav.

• Dahkat stáda- ja bájkkeåvddånahttemplánav Sámen.

• Girjje- ja kulturbussa Oarjje-Råmsån vijdet doajmmaguovlov ja sjaddá sáme girjje- ja kulturbussa Nuortta Nordlánndaj ja Oarjje-Råmssåj básajn Várdobáiken.

Julevsáme girjjebussa vijdet doajmmaguovlov oarjás Sáltoduoddarij, vaj bihtámsáme guovllo bæssá adnet sáme girjjevuorkkáfálaldagájt.

Árbbedábálasj æládusá li ájnnasa, ja ájggop barggat:

• Vaj guolástus- ja merraæláduspolitihkka sihkarasstá bájkálasj sebrudagá merragátten ávkev oadtju ressursajs.

• Merrasámij árbbedábálasj bivddemvuodo viertti sihkarasteduvvat, ja bisodit ednambarggoæládusájt ja sáme addnedábijt, ja vaj suohkana oadtju oasev árvvoháhkuhimes areállagájbbedim æládusájn duola dagu minerálla- ja merraæládusá. Guollebiebbmamæládusá gáktuj galggá rávkkat dahpadum ásadusá ja jut suohkan konsesjåvnåjt åmas.

• Dahkat vaj sáme sebrudahka sjaddá miellagiddis boahtte buolvajda ednambarggoareálaj vuorodime baktu. Suohkanijn la åvddåoasstemriektá konsesjåvnnåássjijn.

• Vaj sáme kulturmujto sihkarasteduvvi, ja vaj kulturmujto ma ælla registreridum vuoroduvvi vaj e boahtte buolvajda láhppu.

• Gånnå rievddadime tjadáduvvi ma sáme sebrudahkaj ja árbbedábálasj æládusájda vájkkudi, vierttiji vahágahttembinnedime dåjma tjadáduvvat.

•Vájkkudumnævvoadno SIVA:s, IN:as ja iehtjádijs viertti ienebut sáme æládusáj vuoksjuj njuolggiduvvat. Árvvoháhkuhimprográmma boahttsuæládusán viertti nanniduvvat.

• Ruovdderahte biggiduvvá Narvijka ja Råmså gaskan.

Språk Norsk - NorwegianSpråk Sami - Samisk
Web levert av CustomPublish AS