Válgaáigodat 2009 -2013

Mátta-Norgga válgaprográmma

Mátta-Norgga válgaprográmma:

1.Mii bargat dan ala ahte Osloi ásahuvvo Sámi našunála kulturguovddáš, mas leat: kulturguovddáš, giellaguovddáš, girjerájus, kulturbuvda, čájáhusguovddáš, info-guovddas,kafea, kantuvrrat Sámediggái ja eará sámi institušuvnnaide ja servviide. Ovttasbargošiehtadus Sámedikki ja Oslo gieldda gaskka dahkkojuvvo farggamusat.

2. Otne lea Oslo Sámi viesu beaivválaš jođiheaddji bealle virggis. Mii háhkat dasa olles áigge jođiheaddji ja lassin vel info-bargi. Mii leat duđavačča go Oslo Sámi viessu dál lea fásta poastan Sámedikki ja Oslo gieldda bušeahtain, muhto mii maiddái háliidat vissui fásta ruhtadeami stádabušeahtas.

3.Sámi giellaguovddáš ferte ásahuvvot farggamusat.
Sámi rávisolbmuide berre farggamusat ásahuvvot giellaoahppu fálaldat, ja stáhtalaš ortnegat álggahuvvojit mas giellaoahppu ruhtaduvvo ollislaččat. Jos dietnasa manaha, de galgá dát buhtaduvvot.

4.Sámi mánáidgárddiid berre nannet. Sámegiela ja kultuvra oahpaheapmi skuvllain berre suokkarduvvot. Mihttomearrin galgá leat buoridit organiserema ja oahpahusa sisdoalu.

5. Gielddain berre gáibidit sámi árvvoštallamiid ja čovdosiid buot plánabargguin, earret eará dearvvašvuođa- ja sosiálaplánain.
Sámi dulkonbálvalusa ásahit mii fuolaha buohcciviesuid ja eará almmolaš institušuvnnaid.

6. Berre ásahit sámi nuoraidlávdegoddi, ja nuoraide berre álggahit deaivvadanbáikkiid gos gárrenmirku ii geavahuvvo.

7. Vuosttaš buolvva eretfárrejeaddjit ja sin lágaš bearaš (bealálaš/mánát) galget beassat ávkkástallat ruovttuguovlluid luondduriggodagain (omd. murjen,guollebivdin ja eará).

Les mer...