Meavkki ja Arvenjárgga báhčinšiljuid ovttastahttin Sis-Romssas

Mearrádusevttohus:
Sámediggi gávnnaha ahte Stuorradikki eavttut mearrádusas ovttastahttit Meavkki ja Arvenjárga báhčinšisjuid eai leat ollašuhttojuvvon. Jáhkkimis lea máiddái ahte Álbmotrievtti prinsihpat rihkkojuvvojit go báhčinšiljut ovttastahttojuvvojit dálá plánaid mielde. dán vuođul bivdá Sámedigi ahte Stuorradiggi ođđasis meannuda mearrádusa ovttastahttit Meavkki ja Arvenjárga báhčinšiljuid.
Sámediggi ádde ahte mii dárbbašat suodjalusa davvin, muhto suodjalusa doaibma ferte lágiduvvot dainna lágiin ahte árbevirolaš ealáhusat eai áitojuvvo.