Ávjovári válgabiire programma 2009 - 2013

Bargiidbellodaga áigumušat čuovvovaš váldoáššiin leat:

Giella ja kultuvra
• duohtandahkat dehálaš kulturásahusaid Ávjjuvári válgabiires.
• sihkkarastit doarvái ekonomalaš resurssaid sámi valáštallamii, festivalaide ja kultuvrii.
• loktet máhtolašvuođa ja gelbbolašvuođa sámi kultuvrras ja gielas iešguđet almmolaš fágabirrasiin.
• buoridit sámi girkoeallima rámmaeavttuid nu ahte sámi girkokultuvra heivehuvvo dálá dillái.

Mánát, nuorat ja oahppu
• nannet oahpponeavvodili sámegielas ja sámegillii, ja seammás nu ahte ulbmil nuvttá oahpponeavvuin ollašuvvá.
• hohpohit ášši ovddidit Sámi allaskuvlla Sámi universitehtan ja eamiálbmotuniversitehtan.
• addit vejolašvuođa doalahit boaittobeal skuvllaid seailluhan dihte sámi ja kveana giela ja kultuvrra.
• addit vejolašvuođa vuođđoskuvlla oahppiide oktanaga oahppat sámegiella ja dárogiella vuosttašgiellan.

Dearvvašvuođa- ja sosiálpolitihkka
• sihkkarastit gielddaide dearvvašvuođa- ja fuollabargiid geain lea sámi giella- ja kulturgelbbolašvuohta.
• ásahit sámi dearvvasvuođa riikkalaš gealboguovddáža.
• sihkkarastit bistevaš doaimma ja ovdáneami Sámi spesialistaguovddážii.
• veahkkin ásahit sámi geavaheaddjiservviid ja sihkkarastit daid doaimmaid.

Ealáhus, biras ja resurssat
• Sámediggi ferte oažžut ođđa friddja ekonomalaš resurssaid buoridan dihte ealáhusaid rámmaeavttuid.
• minerálaid ja eará riggodagaid roggamat galget dáhpáhuvvat ovttafásttolaččat báikegottiin, gulahallat boazodoaluin, ja ahte stáhtalaš suodjaluvvon ja čatnojuvvon guovllut hálddašuvvojit báikkálaččat.
• boazodollui, eanandollui ja guolástusaide ferte sihkkarastojuvvot dorvvolaš boahtteáiggi.
• ovdánahttit ja nannet duoji ealáhussan ja ráhkadahttit ođđa sámi mátkkoštanealáhusplána.
• ássit Guovdageainnu suohkanis galget oažžut luossabivdorivttiid suohkana čázádagain.
• sihkkarastit ahte Porsáŋggus maiddái boahtteáiggis lea gávdnomis guolle- ja reabbávuostáváldin ja ahte Banak girdišillju ovdánahttojuvvo regiovnna váldogirdišilljun.
• loktet geaidnostandárdda ja doalahit vuođđogeainnu E6 dálá johtolagas.