Sámedikki presideanta lokte Njeareveaji ášši ođđasit:
Bovde NBRa ja orohagaid ságastallamii
Son háliida ahte sihke Sámediggi, guovllulaš oassálastit ja stáhta galget searvat dán áššai vai dat čoavdašuvašii johtileamos lági mielde nu ahte Njeareveaji álbmot oažžu geainnu ja ahte boazodoallu oažžu doahkálaš čovdosa.
2009-02-10 Webmaster-I
Sámedikki presideanta lokte Njeareveaji ášši ođđasit:
Bovde NBRa ja orohagaid ságastallamii
Sámedikki presideanta Egil Olli áigu bargat viidáseappot Njeareveji geaidnoáššiin. Dál lea son váldán oktavuođa Norgga Boazosápmelaččaid Riikkaservviin (NBR): Nils Henrik Sarain ja bivdán dollojuvvot čoahkkima boazodoalu ja Sámedikki gaskkas dainna ulbmiliin ahte oččodit buoret gulahallama beliid gaskkas.
- Sámediggeráđđi áigu bargat árjjalaččat dainna ulbmiliin ahte čohkket beliid vai oččošii dakkár čovdosa, mainna buohkat leat duhtavaččat, dadjá presideanta. Son lea ovdal bovden oktasaščoahkkimii masa dušše Njeareveaji ovddasteaddjit bohte. Dál son háliida ahte boazodoalu ovddasteaddjit deaivvadit ja Sámedikkiin digaštallat vejolaš čovdosiid.
Olli háliida lassin NBRa háleštit sihke 9. orohagain, 13. orohagain ja Kárášjoga johttisámiid servviin. Son čujuha dasa ahte dán áššis leat iešguđet sámi oassálastit geain buohkain lea vuoigatvuohta oažžut iežaset beroštusaid fuolahuvvot.
- Dieđán ahte buot bealit háliidit geaidnočovdosa Njearveadjái. Danne lea ge dehálaš ahte mii háleštit ja gávdnat oktasaš vuogi mo čoavdit otná lohkkaduvvon dili. Njeareveadji rahčá dál garrasit vai ceavzzašii ja dárbbaša geainnu mii attášii gillái buoret birgenvuođu, muhto maiddái boazodoalus lea vuoigatvuohta meannuduvvot rehálaččat ja das leat stuorra hástalusat guohtumiid ektui, čujuha Olli.
Son háliida ahte sihke Sámediggi, guovllulaš oassálastit ja stáhta galget searvat dán áššai vai dat čoavdašuvašii johtileamos lági mielde nu ahte Njeareveaji álbmot oažžu geainnu ja ahte boazodoallu oažžu doahkálaš čovdosa. Son jáhkká athe buoret gulahallan beliid gaskkas veahkehivččii oažžut čovdosa farggamusat ja son áigu bargat buot maid nagoda vai bealit gulahallet.
Bovde NBRa ja orohagaid ságastallamii
Sámedikki presideanta Egil Olli áigu bargat viidáseappot Njeareveji geaidnoáššiin. Dál lea son váldán oktavuođa Norgga Boazosápmelaččaid Riikkaservviin (NBR): Nils Henrik Sarain ja bivdán dollojuvvot čoahkkima boazodoalu ja Sámedikki gaskkas dainna ulbmiliin ahte oččodit buoret gulahallama beliid gaskkas.
- Sámediggeráđđi áigu bargat árjjalaččat dainna ulbmiliin ahte čohkket beliid vai oččošii dakkár čovdosa, mainna buohkat leat duhtavaččat, dadjá presideanta. Son lea ovdal bovden oktasaščoahkkimii masa dušše Njeareveaji ovddasteaddjit bohte. Dál son háliida ahte boazodoalu ovddasteaddjit deaivvadit ja Sámedikkiin digaštallat vejolaš čovdosiid.
Olli háliida lassin NBRa háleštit sihke 9. orohagain, 13. orohagain ja Kárášjoga johttisámiid servviin. Son čujuha dasa ahte dán áššis leat iešguđet sámi oassálastit geain buohkain lea vuoigatvuohta oažžut iežaset beroštusaid fuolahuvvot.
- Dieđán ahte buot bealit háliidit geaidnočovdosa Njearveadjái. Danne lea ge dehálaš ahte mii háleštit ja gávdnat oktasaš vuogi mo čoavdit otná lohkkaduvvon dili. Njeareveadji rahčá dál garrasit vai ceavzzašii ja dárbbaša geainnu mii attášii gillái buoret birgenvuođu, muhto maiddái boazodoalus lea vuoigatvuohta meannuduvvot rehálaččat ja das leat stuorra hástalusat guohtumiid ektui, čujuha Olli.
Son háliida ahte sihke Sámediggi, guovllulaš oassálastit ja stáhta galget searvat dán áššai vai dat čoavdašuvašii johtileamos lági mielde nu ahte Njeareveaji álbmot oažžu geainnu ja ahte boazodoallu oažžu doahkálaš čovdosa. Son jáhkká athe buoret gulahallan beliid gaskkas veahkehivččii oažžut čovdosa farggamusat ja son áigu bargat buot maid nagoda vai bealit gulahallet.
Čálit
Cavgil ustibii