Fidnooahppiortnet duojis addá ođđa duojáriid

Preassadieđáhus

Fidnooahppiortnet duojis addá ođđa duojáriid

Lean ilus go Sámediggi bušeahttameannudeamis mannán čavčča várri ruđaid
fidnooahppiortnegii, dadjá sámediggeáirras Per Edvind Varsi.

Ortnega ulbmil lea duodjeealáhussii sihkkarastit rekrutterema. Ortnet galgá movttiidahttit nuoraid ja ođđa álggaheddjiid oahppat duddjot. Ortnet maiddái gokčá fidnoohppiid bálkkáid ja ortnega hálddašeami.

Mun jáhkán ahte fidnooahppiortnet váikkuha dasa ahte sámi ealáhusdoaibma ovdána, go duodjeealáhussii bohtet ođđa duojárat.
Duodji seailluha ja doalvu viidáset árbevirolaš sámi doaimma. Vel unnán dietnasiin ge, lea dehálaš ahte dát ealáhussuorgi oažžu ovdánanvejolašvuođaid. Duodjeealáhusa boahtteáigi lea čuovgadeappot go fidnooahppiortnegiin bohtet ođđa duojárat, dadjá sámediggeáirras Per Edvind Varsi.

Gulahallanolmmoš: Per Edvin Varsi telefovdna 959 64 896 e-poasta: per.edvin.varsi@samisk.vgs.no