Nuortaguovllu válgabiire prográmma 2009 -2013

Bargiidbellodaga mihttomearit leat:
- Buohkain galgá leat vejolašvuohta sámegiel ja sámegillii oahpaheapmái ja skuvllat galget eambbo nannet sámi mánáid identitehta.
- Gielddaid liigegolut sámegieloahpaheami ja guovttegielalašvuođa oktavuođas máksojuvvojit ollásit.
- Lagasvuohta guolleresurssaide galgá addit rievtti ja leat mearrideaddji prinsihppan guollehálddašeamis.
- Buohkain geat ásset rittuin ja vuonain galgá leat čielga riekti álgit fidnoguolásteaddjin, ja sáhttit guolástit hivvodaga mainna oažžu buori ekonomalaš birgejumi. Danin galgá Riddoguolástuslávdegotti evttohus čađahuvvot oppalohkái.
- Báikkálaš guolásteddjiin galgá leat eahpitkeahttá riekti oassálastit gonagasreabbá bivdui, beroškeahttá das man stuora fanas lea ja eará guollešlájaid bivdui.
- Gielddat fertejit hálddašit meahccejohtalusa astoáigge- ja ealáhusdoaimmaid oktavuođas, nu ahte ii meahcceeatnamat eai billistuvvo.
- Deattuhit dahkame duoji bistevaš ealáhussan, mas lea kultuvrralaš, fágalaš ja servodatlaš ceavzilvuohta.
- Kulturbargosajiid ásaheapmi ja sámi mátkeealáhusa ovdáneapmi galgá sihkkarastit ja nannet dálá ealáhusaid, addit birrajagi bargosajiid, ja váikkuhit sihkkarastime ássama sámi guovlluin.
- Jođihit boraspirepolitihka mii addá boazodollui ja eanandollui diehttevaš ja oadjebas árgabeaivvi.
- Lea dehálaš ahte Sámediggi oažžu duohta váikkuhanfámu eanandoallopolitihka hábmemis.
- Jođihit boazodoallopolitihka mas vuođđun galgá leat aktiiva juogadanpolitihkka, mas guohtunresurssat hálddašuvvojit albma ládje.
- Vuođđostruktuvrra huksen lea dárbbašlaš go galgat olahit min mihttomeriid, danin áigut váikkuhit aktiivvalaččat dasa ahte dát vuoruhuvvo.
- Ferte hilgut buot geahččalemiid ahte báikkiolbmuin váldit eret árbevirolaš rievtti bivdit luosaid.