Sámediggeráđi preassadieđáhus
ON:a Mánáidkonvenšuvdna 20 jagi
2009:s deavdá ON:a Mánáidkonvenšuvdna 20 jagi. Dán háliida Sámediggi čalmmustahttit mánáiddáiddačájáhusain, dáidda maid mánát iešguđet guovlluin Sámis leat ráhkadan. Sámediggeráđi Jørn Are Gaski rahpá čájáhusa Sámedikki resepšuvnnas mánnodaga miessemánu 25. Beaivvi dii.13.00
2009-05-22 Webmaster-I
Preassadieđáhus Mánáiddáiddačájáhus Sámedikkis miessemánu 25. b. 2009
2009:s deavdá ON:a Mánáidkonvenšuvdna 20 jagi. Dán háliida Sámediggi čalmmustahttit mánáiddáiddačájáhusain, dáidda maid mánát iešguđet guovlluin Sámis leat ráhkadan. Sámediggeráđi Jørn Are Gaski rahpá čájáhusa Sámedikki resepšuvnnas mánnodaga miessemánu 25. Beaivvi dii.13.00
Čájáhusas leat dáidagat maid mánát Unjárgga skuvllas, Stuoravuona skuvllas, Kárášjoga kulturskuvllas, Aarborte skuvllas ja Divttasvuona skuvllas, ja maid Naina Helen Jåma Wigdahl Snåases eret ja Anna- Kajsa Partapuoli Skániin eret leat ráhkadan.
Unjárgga skuvlla skuvlamánáid dáiddačájáhus Beana – Hunden čájehuvvui Várjjat Sámi Museas njukčamánu 11. beaivvi 2009 Finnmarksløpet váldobeaivvi oktavuođas Vuonnabađas. Oahppit ledje ráhkadan earret eará málagovaid, láse/ mosaihkka- dáidagiid ja muorra/ rišša- dáidagiid. Dál čájehuvvot oasit dán čájáhusas Sámedikkis.
Kárášjoga kulturskuvlla oahppit leat tevdnen, málen, ráhkadan unna- unna bohccožiid, govven ja ráhkadan digitáladáidaga. Čájáhusas lea oassi Galleri Beaiveratta:s. Oasi dáidagis leat Lujávrri mánát Ruoššas ráhkadan. Dán olahedje ovttasbarggu bokte Kárášjoga kulturskuvllain. Muhtin motiivvaid leat fuobmán Finnmarksløpet oktavuođas, ja Kruvnnaprinssabára galledeamis Kárášjogas guovvamánu 2009.
Oassi dáidagis lea mielde Ungdommens kulturmønstring 2009.
2009:s deavdá ON:a Mánáidkonvenšuvdna 20 jagi. Dán háliida Sámediggi čalmmustahttit mánáiddáiddačájáhusain, dáidda maid mánát iešguđet guovlluin Sámis leat ráhkadan. Sámediggeráđi Jørn Are Gaski rahpá čájáhusa Sámedikki resepšuvnnas mánnodaga miessemánu 25. Beaivvi dii.13.00
Čájáhusas leat dáidagat maid mánát Unjárgga skuvllas, Stuoravuona skuvllas, Kárášjoga kulturskuvllas, Aarborte skuvllas ja Divttasvuona skuvllas, ja maid Naina Helen Jåma Wigdahl Snåases eret ja Anna- Kajsa Partapuoli Skániin eret leat ráhkadan.
Unjárgga skuvlla skuvlamánáid dáiddačájáhus Beana – Hunden čájehuvvui Várjjat Sámi Museas njukčamánu 11. beaivvi 2009 Finnmarksløpet váldobeaivvi oktavuođas Vuonnabađas. Oahppit ledje ráhkadan earret eará málagovaid, láse/ mosaihkka- dáidagiid ja muorra/ rišša- dáidagiid. Dál čájehuvvot oasit dán čájáhusas Sámedikkis.
Kárášjoga kulturskuvlla oahppit leat tevdnen, málen, ráhkadan unna- unna bohccožiid, govven ja ráhkadan digitáladáidaga. Čájáhusas lea oassi Galleri Beaiveratta:s. Oasi dáidagis leat Lujávrri mánát Ruoššas ráhkadan. Dán olahedje ovttasbarggu bokte Kárášjoga kulturskuvllain. Muhtin motiivvaid leat fuobmán Finnmarksløpet oktavuođas, ja Kruvnnaprinssabára galledeamis Kárášjogas guovvamánu 2009.
Oassi dáidagis lea mielde Ungdommens kulturmønstring 2009.
Skriv ut
Tips en venn