Raimo Valle, Bargiidbellodaga 3. kandidáhta Gáisi válgabiires
Romssa sámi giela hálddašanguovllu siskkobeallái
Imaštan go NSR iežas ruovttusiidus eahpida lea go dál riekta Romssa ássiide addit daid gielalaš vuoigatvuođai mii čuovvu go guovlu searvá sámegiela hálddašanguvlui.
2009-09-01 Webmaster-I
Romssa sámi giela hálddašanguovllu siskkobeallái
Mu mielas lea buorre go NSR sávvá buores boahtin Bargiidbellodaga álggu dán áššis. Seammás imaštan go NSR iežas ruovttusiidus eahpida lea go dál riekta Romssa ássiide addit daid gielalaš vuoigatvuođai mii čuovvu go guovlu searvá sámegiela hálddašanguvlui. Eará sámi guovlluin lea NSR čájehan stuorra beroštumi juste dasa, maŋimuš Loabádaga searvama golggotmánu 1. beaivve rájes.
Loabát leai sullii seamma dilis Romssa, sii ledje álggahan buorre muddui giellabargguin, nuvt ahte leai dárbu nannet ain eanet giellabarggu. Sii eai ballan eará vuoruhemiid bázahallat. Lea baicce nubbi láhkai , dat gielddat mat leat mielde hálddašanguovllus, sii ožžot daid buoremus rámma eavttuid ja ovdánahttiin vejolašvuohta giella ovdánahttiin bargguide.
Iige leat nu ahte sátnejođiheaddjit leat vuordimin almmuhit positiivalaš beroštumiin searvat sámegiela hálddašanguvlui. Danin mii Bargiidbellodagas buori mielain váldit vuostá daid signálaid maid Romssa sátnejođiheaddji Arild Hausberg (bb) buktá. Lean maiddái ilus go Romssa politihkalaš njunnošat, dan čoahkkimis gos mis leai deaivvadeapmi singuin mannan vahkus, nu garrasit deattuhit daid hástalusaid mat leat gielda eallilanolbmui ovddasmorrašis. Skuvlla ja bajásšaddan lea dehálaš, muhto mii eat galgá vajáldahttit daid olu vuorrasat sámiid geat ásset dán gielddas (iige dušše gávpogis). Mun jáhkkan dat stáhta ruđat mat čuvvot mielde go Romssa suohkan searvá hálddašanguvlui bohtet ávkin.
Dan seamma čoahkkimis sagastalaimet maiddái dárbu ásahit Romsii sámi viesu, nugo mii ja earát leat váldán mielde Gáisi válgabiire válgaprográmmii. Dás leat mii ovttaoaivilis gielddajođiheaddjin johtileamos bidjat johtui bargojoavkku, gos buot sámi birrasat Romssas leat mielde hábmemin sámi viesu sisdoalu. Eat mii vuordde makkárge šloahtta, muhto ferte álgit smávvásit, de jáhkkan sámi viesu leat ollašuvvan jagi 2010’s. Romssa sámit ánssášit dan.
Bargiidbellodat Gáisi válgabiires áigu maiddái rahčat ásahit sámi mánáidgárdde fálaldagaid válgabiire suohkanin. Jus vel Romssas lea fálaldat, de oaidnit mii dárbu fálaldaga buoredit ja viiddit. Otne lea ovdamearka dihte nu ahte Romssa mánáin geain eai leat sámegiel hálli vánhemat sis ii leat sámemánáidgárdde fáladat. Dat lea hástalus maid mii fertet čoavdit.
Válgaprográmmas mii maid dáhtut ásahit sámegielat skuvlaluohkká ovtta Romssa joatkka skuvllii. Mii Bargiidbellodagas árvalit ahte Romssa suohkanis galget leat sáme fálaldagat mánáidgárdde rájes gihtta eallilanolbmui ráddjái. Dan dihte lea dehálaš ahte suohkan searvá sámegiela hálddašanguvlui. Jus vel NSR ii leat vel gearggus dasa.
Raimo Valle, Bargiidbellodaga 3. kandidáhta Gáisi válgabiires
Mu mielas lea buorre go NSR sávvá buores boahtin Bargiidbellodaga álggu dán áššis. Seammás imaštan go NSR iežas ruovttusiidus eahpida lea go dál riekta Romssa ássiide addit daid gielalaš vuoigatvuođai mii čuovvu go guovlu searvá sámegiela hálddašanguvlui. Eará sámi guovlluin lea NSR čájehan stuorra beroštumi juste dasa, maŋimuš Loabádaga searvama golggotmánu 1. beaivve rájes.
Loabát leai sullii seamma dilis Romssa, sii ledje álggahan buorre muddui giellabargguin, nuvt ahte leai dárbu nannet ain eanet giellabarggu. Sii eai ballan eará vuoruhemiid bázahallat. Lea baicce nubbi láhkai , dat gielddat mat leat mielde hálddašanguovllus, sii ožžot daid buoremus rámma eavttuid ja ovdánahttiin vejolašvuohta giella ovdánahttiin bargguide.
Iige leat nu ahte sátnejođiheaddjit leat vuordimin almmuhit positiivalaš beroštumiin searvat sámegiela hálddašanguvlui. Danin mii Bargiidbellodagas buori mielain váldit vuostá daid signálaid maid Romssa sátnejođiheaddji Arild Hausberg (bb) buktá. Lean maiddái ilus go Romssa politihkalaš njunnošat, dan čoahkkimis gos mis leai deaivvadeapmi singuin mannan vahkus, nu garrasit deattuhit daid hástalusaid mat leat gielda eallilanolbmui ovddasmorrašis. Skuvlla ja bajásšaddan lea dehálaš, muhto mii eat galgá vajáldahttit daid olu vuorrasat sámiid geat ásset dán gielddas (iige dušše gávpogis). Mun jáhkkan dat stáhta ruđat mat čuvvot mielde go Romssa suohkan searvá hálddašanguvlui bohtet ávkin.
Dan seamma čoahkkimis sagastalaimet maiddái dárbu ásahit Romsii sámi viesu, nugo mii ja earát leat váldán mielde Gáisi válgabiire válgaprográmmii. Dás leat mii ovttaoaivilis gielddajođiheaddjin johtileamos bidjat johtui bargojoavkku, gos buot sámi birrasat Romssas leat mielde hábmemin sámi viesu sisdoalu. Eat mii vuordde makkárge šloahtta, muhto ferte álgit smávvásit, de jáhkkan sámi viesu leat ollašuvvan jagi 2010’s. Romssa sámit ánssášit dan.
Bargiidbellodat Gáisi válgabiires áigu maiddái rahčat ásahit sámi mánáidgárdde fálaldagaid válgabiire suohkanin. Jus vel Romssas lea fálaldat, de oaidnit mii dárbu fálaldaga buoredit ja viiddit. Otne lea ovdamearka dihte nu ahte Romssa mánáin geain eai leat sámegiel hálli vánhemat sis ii leat sámemánáidgárdde fáladat. Dat lea hástalus maid mii fertet čoavdit.
Válgaprográmmas mii maid dáhtut ásahit sámegielat skuvlaluohkká ovtta Romssa joatkka skuvllii. Mii Bargiidbellodagas árvalit ahte Romssa suohkanis galget leat sáme fálaldagat mánáidgárdde rájes gihtta eallilanolbmui ráddjái. Dan dihte lea dehálaš ahte suohkan searvá sámegiela hálddašanguvlui. Jus vel NSR ii leat vel gearggus dasa.
Raimo Valle, Bargiidbellodaga 3. kandidáhta Gáisi válgabiires
Skriv ut
Tips en venn