Sámediggeráđi vástádus gážaldahkii guođe láhkkái ráđđi vuoruha mátkošteame

Sámedikke presideanta, Finnmárkku fylkkasšátnejođiheadjii, Romssa ja Nordlándda fylkkráđđejođiheadjjit ja Barentsčállingotti jođiheaddji ledje bovdejuvvon oassálasttit olgoriikkaministrrara sáttagotti mielde Murmánskkas guovvamánu 14.- 15. beaivve 2006. Bovdejupmi Olgoriikkadepartementtas lei beiváduvvon guovvamánu 6.b., mii lea vahkku ovdal mátki Ruššii. Ruoššamátki deaivvai leat oktanaga Sámedikki lávdegoddečoahkkimiiguin. Sámediggeráđđi lei, dalle go bovdejupmi bođii šiehttan doallat čoahkkimiid iešguđet sámi organisašuvnnaiguin seamma vahkus. Dasa go presideanta dán vuoro ii vuolgán Ruššii, lea dat sivva go ledje šihttojuvvon čoahkkimat ja go bovdejupmi bođii nu maŋŋit.

Sámediggeráđi mielas lea deaŧalaš leat mielde hábmemin maiddái davviguovlopolitihka - erenoamážit politihka mii guoská Barentsguovllu eamiálbmogiidda. Sámedikki presideanta ja Olgoriikkaministtar leaba Girkonjárggas ođđajagemánu 10.b. dán jagi šiehtadan nannet dialoga gaskal Sámedikki ja olgoriikadepartemeantta áššiin mat gusket davviguovlluide oppalaččat, ja erenoamážit Árktalaš ráđđái ja Barentsovttasbargui. Šiehtaduvvon lea ahte dollojuvvojit oktavuohtačoahkkimat davviguovlogažaldagaid ja eará gaskkariikkalaš eamiálbmotáššiid birra oppalaččat guktii jahkái. Dasa lassin oasálastá presideanta čoahkkimiin gaskal olgoriikaministtara ja dan golmma davimus fylkkagieldda, Landsdelsutvalget ja Barentsčálligotti mat dollojuvvojit 2 - 3 - jahkái. Sámdikki presideanta deaivvada Olgoriikkadepartemeantta stáhtačálliin Oslos njukčamánu 6. beaivvi 2006.