Sámediggi háliida minerálaroggamiid sámi guovlluin

Preassadieđáhus ● Pressemelding
Beaivi/Dato:
Min čuj./
Gulahallanolmmoš/Kontaktperson: Egil Olli +47 900 26 880
Sámediggi háliida minerálaroggamiid sámi guovlluin. Mii háliidit árvoháhkama ja ođđa bargosajiid, man vuođul sihkkarastit sámi báikkálaš servodahkii boahtteáiggi. Danne lea Sámediggi ráhkadan minerálanjuolggadusevttohusa. Njuolggadusat galget doaibmat stivrennjuolggadussan man vuođul Sámediggi sáhttá dohkkehit minerálaroggamiid sámi guovlluin.
- Mii háliidit gulahallat njuolga ásahusaiguin ja sámi báikkálaš servodagaiguin vai buohkaide šaddá einnostahtti dili, dadjá sámediggepresideanta Egil Olli.
- Njuolggadusat láhčet dili šiehtadallanvuogádahkii gaskal Sámedikki, guoskevaš sámi beroštusaid/báikkálaš servodagaid ja minerálafitnodagaid.
- Šiehtadallamiid vuođul sáhttá šiehttat eavttuid iskamiidda ja roggamiidda mat vuhtiiváldet sámi kultuvrra.
- Šiehtadusain galget leat eavttut ekonomalaš buhtadusaide
- Galget ráhkaduvvot dárkilis njuolggadusat ahte mot hálddašit ekonomalaš buhtadusaid
Sámediggeráđđi háliida viiddis gulaskuddama. Buohkat bovdejuvvojit buktit cealkámušaid daidda njuolggadusaide. Gulaskuddanáigemearri lea 01.12.09.
-Mun sávan ahte buohkat buktet ávkkálaš cealkámušaid, vai mii beassat sihkkarastit sihke sámi báikkálaš servodagaid ja industriija boahtteáiggi, dadjá sámediggepresideanta Egil Olli