Giella Giella
Máŋimuš ođđasat/Forside/Politihkka/Sámegiella
jv 012_200x133

Johan Vasara bokte

Sámi riekteveahkkekontuvrra boahtteáigi

Bargiidbellodahkii lea dehálaš ahte juohke okta gii orru Norggas galgá dovdat oadjebasvuođa ja sihkarvuođa, erenoamážit dalle go olmmoš lea váttes dahje rašes dilis

Sápmelaččaid riektesihkarvuohta lea Norgga stáhta ásaheami rájes boktan unnan beroštumi sis geat dábalaččat ledje galgat beroštit olbmuid riektesihkarvuođas. Giellamáhttu ja kulturipmárdus, dahje rievttabu daddjon, kultuvrra vuhtiiváldin ja gudnijahttin, ii leat eisege leamaš diehttelas go sápmelaččat riektevuogádagaid bokte leat deaividan eiseváldiiguin. Seammaládje diehtit mii ahte álgoálbmotrievttit dávjá eai vuhtiiváldo Norgga riektevuogádagas, eai odnege, vaikko diehtit ahte álbmotriekti lea sajáiduvvon Norgga láhkagirjjiide sierra olmmošvuoigatvuođalága bokte. Mis leat oalle easkká ovdamearkkat dasa ahte sápmelašolbmot garrasit šaddet rahčat oažžut ipmárdusa ee. báikkálaš árbevirolaš meahcásteapmái.

Dađi bahabut lea Justisdepartemeanta čakčamánu 22. Beaivvi 2014:is mearridan heaittihit dan áidna riekteveahkkekontuvrra mii beaivválaččat bargá erenoamážit ovttaskas sápmelaččaid riekteáššiiguin. Bargiidbellodat oaidná dán stuora lávkin maŋosguvlui sámi riektesihkárvuhtii.

Bargiidbellodat deattuha ahte riekteveahkkekontuvrra boahtteáigi lea dehálaš sámiid riektesihkarvuhtii, ja bivdá danin sámediggeráđi guorahallat ođđa čovdosit dasa ahte mo sihkarastit Sámi riekteveahkkekontuvrii ain ruhtadeami ja nu maiddái sihkkaris boahtteáiggi.

Giella Norsk - NorwegianGiella Sami - Samisk
Web levert av CustomPublish AS