Sámeleavga

Sámi leavga lea oktasaš buot sámiide, beroškeahtta guđe riikkas ásset. Leavga dohkkehuvvui borgemánu 15. b. 1986 Davviriikkalaš sámekonfereanssas Åres, Ruoŧas, ja leavgga málle lea ráhkadan Astrid Båhl, guhte lea eret Ivgobađas Tromssas.
Leavgga vuođđojurdda lea vuolgán meavrresgáris ja divttas «Beaivvi bártnit» maid máttasápmelaš Anders Fjellner (1795-1876) lea čállán. Dán divttas govvida Fjellner sápmelaččaid beaivváža bárddni ja mánu nieidda.

Leavgga gierdu govvida beaivváža ja mánu. Beaivvášgierdu lea ruoksat ja mánnogierdu fas alit. Leavggas leat muđui sámi ivnnit; ruoksat, ruoná, fiskes ja alit.