Várrepresideanta Marianne Balto bokte
Sámi árvoháhkanbálkkašumi 2008 juohkin
Sámedikki bealis háliidan váimmolaččat sávvat Fjellvilt oamasteaddji guoktái, Nils Tonny Brandsfjellii ja Unni Fjellheimii lihku bálkkašumiin.
2008-02-08 Webmaster-I
SÁMI ÁRVOHÁHKANBÁLKKAŠUMI 2008 JUOHKIN
Sárdni juohkinseremoniija oktavuođas guovvamánu 6. beaivve 2008, várrepresideanta Marianne Balto bokte
Lihkku beivviin!
Lea munnje stuora illu ja gudni odne leat mielde juohkime vuosttaš Sámi Árvoháhkanbálkkašumi, dáppe Romssa Sámi Vahkku-doaluin.
Árvoháhkan ja buvttaovddideapmi lea guovddáš ealáhuspolitihkalaš áŋgiruššansuorgi. Maiddái Sámedikkis vuoruhat diekkár áŋgiruššamiid. Ulbmil árvoháhkamiin lea ahte sámi ealáhusat ja áinnas vuođđoealáhusat galget oažžut vejolašvuođa hutkat ođđa ja árbevirolaš buktagiid. Dat mearkkaša ahte jus lea bierggu birra sáhka de galgá biergobuvttadeaddji, ieš sáhttit ráhkadit gárvves biebmobuktagiid, márkanfievrridit ja vuovdit daid buktagiid. Dalle oažžu biergobuvttadeaddji ieš lassidietnasa ja beassá atnit iežas árbevirolaš čehppodaga ja ođđa čehppodaga biebmoráhkadeamis. Dát vuođđu mearkkaša ahte buktagat ožžot erenoamáš stuora árvvu márkanis.
Dán jagáš bálkkašumi vuoiti lea fitnodat maid boazosámi bearaš oamasta ja fievrrida. Jury lea veardideames bidjan vuođđun ahte dát fitnodat lea árvoháhkan pioner-fitnodat go guoská bohccobierggu ektui. Fitnodaga vuolggasadji lea leamaš árbevirolaš boazodoallu ja sámi kultuvra. Fitnodat lea maiddái gávdnan ođđa márkaniid bohccobirgui. Ovddeš buvttadanvuogit leat geavahuvvon ja heivehuvvon ođđa geavaheddjiide. Vuoiti lea lullisámi guovllus. Fitnodat ásahuvvui 1995:s ja lea čájehan ahte lea duođaid vejolaš lihkostuvvat árvoháhkamiin boazodoalus. Mu mielas lea jury dahkan buori veardideame. Giittán jury buori barggu ovddas.
Bálkkašupmi lea 10 000 ruvnno ja Vebjørn Sand dáiddagárri.
Midnight Sun Marathon:a Sámi Árvohahkanbálkkašumi 2008 vuoiti lea Fjellvilt nammasaš fitnodat.
Sámedikki bealis háliidan váimmolaččat sávvat Fjellvilt oamasteaddji guoktái, Nils Tonny Brandsfjellii ja Unni Fjellheimii lihku bálkkašumiin. Mun sávan ahte dát bálkkašupmi movttidahttá dudno ain viidáseappot áŋgiruššat dán barggu, ja mun sávan ahte otná juohkin maiddái movttidahttá eará sámi ealáhusaid háhkat alcceseaset dákkáraš ođđa doaimma. Doai leahppi sámi árvoháhkan fitnodagaid ovddasteaddjit ja ovdagovat. Loahpas háliidan sávvat dudnuide ollu lihku boahtteáiggiin.
Sárdni juohkinseremoniija oktavuođas guovvamánu 6. beaivve 2008, várrepresideanta Marianne Balto bokte
Lihkku beivviin!
Lea munnje stuora illu ja gudni odne leat mielde juohkime vuosttaš Sámi Árvoháhkanbálkkašumi, dáppe Romssa Sámi Vahkku-doaluin.
Árvoháhkan ja buvttaovddideapmi lea guovddáš ealáhuspolitihkalaš áŋgiruššansuorgi. Maiddái Sámedikkis vuoruhat diekkár áŋgiruššamiid. Ulbmil árvoháhkamiin lea ahte sámi ealáhusat ja áinnas vuođđoealáhusat galget oažžut vejolašvuođa hutkat ođđa ja árbevirolaš buktagiid. Dat mearkkaša ahte jus lea bierggu birra sáhka de galgá biergobuvttadeaddji, ieš sáhttit ráhkadit gárvves biebmobuktagiid, márkanfievrridit ja vuovdit daid buktagiid. Dalle oažžu biergobuvttadeaddji ieš lassidietnasa ja beassá atnit iežas árbevirolaš čehppodaga ja ođđa čehppodaga biebmoráhkadeamis. Dát vuođđu mearkkaša ahte buktagat ožžot erenoamáš stuora árvvu márkanis.
Dán jagáš bálkkašumi vuoiti lea fitnodat maid boazosámi bearaš oamasta ja fievrrida. Jury lea veardideames bidjan vuođđun ahte dát fitnodat lea árvoháhkan pioner-fitnodat go guoská bohccobierggu ektui. Fitnodaga vuolggasadji lea leamaš árbevirolaš boazodoallu ja sámi kultuvra. Fitnodat lea maiddái gávdnan ođđa márkaniid bohccobirgui. Ovddeš buvttadanvuogit leat geavahuvvon ja heivehuvvon ođđa geavaheddjiide. Vuoiti lea lullisámi guovllus. Fitnodat ásahuvvui 1995:s ja lea čájehan ahte lea duođaid vejolaš lihkostuvvat árvoháhkamiin boazodoalus. Mu mielas lea jury dahkan buori veardideame. Giittán jury buori barggu ovddas.
Bálkkašupmi lea 10 000 ruvnno ja Vebjørn Sand dáiddagárri.
Midnight Sun Marathon:a Sámi Árvohahkanbálkkašumi 2008 vuoiti lea Fjellvilt nammasaš fitnodat.
Sámedikki bealis háliidan váimmolaččat sávvat Fjellvilt oamasteaddji guoktái, Nils Tonny Brandsfjellii ja Unni Fjellheimii lihku bálkkašumiin. Mun sávan ahte dát bálkkašupmi movttidahttá dudno ain viidáseappot áŋgiruššat dán barggu, ja mun sávan ahte otná juohkin maiddái movttidahttá eará sámi ealáhusaid háhkat alcceseaset dákkáraš ođđa doaimma. Doai leahppi sámi árvoháhkan fitnodagaid ovddasteaddjit ja ovdagovat. Loahpas háliidan sávvat dudnuide ollu lihku boahtteáiggiin.
Skriv ut
Tips en venn