Nestleder i gruppa

Parlamentarisk leder

Du er her: Hjem > Politikk områder > Reindrift > Artikkel

Berit Kristine Hætta bokte:

Stipeandaortnet boazodoalo nuoraid várás.

Ortnet gos Boazodoalo Ovddidanfoanda juohká stipeanddaid lea rievdan geassemánu 15.b. 2005 rájes.

Rievdadus mielddisbuktá gáržžiduvvon vejolašvuođaid olbmuide geain lea gullevašvuohta boazodollui oažžut stipeandda. Ođđa njuolggadusaid mielde ferte ohccis, ohcci beallelaččas dahje ohcci vánhemiin leat doallu jus galgá oažžut stipeandda. Seammás lea biddjon sisaboahtogáibádusat stipeandda juohkin ektui. Dát mielddisbuktá ahte stipeandda ii addo sidjiide geat aktiivvalaččat doibmet boazodoalus, muhto ii leat alddeset doallu.

2005-09-08
Guovdageainnu Bargiidbellodaga mielas orru dát leamen vuoigatmeahttun ortnet danne go
· Lea erohusmeannudeapmi ohcciid ektui geain lea gullevašvuohta boazodollui
· Gáržžida vejolašvuođaid váldit oahpu háhkan dihte eará eallámuša sidjiide geat eai sáhte oažžut iežaset doalu
· Sihkkarastá stipeandda dušše daid studeanttaide/ bearrašiidda geain juo lea buorre sisaboahtu boazodoalus.

Lea dárbu lasihit Boazodoalu Ovddidanfoandda rámmaid nu ahte stipeandaortnet gusto buot boazodoalu gullevaš nuoraid. Dán ládje sáhtašii Boazodoalo Ovddidanfoanda vuoruhit sin geat háliidit skuvllaid vázzit vai šattašit resursaolmmožin boazodoalus ja sámi servodagas, ja geat gávnnašit ođđa oahppovejolašvuođaid.

Guovdageainnu Bargiidebellodat áigu bargat dan ala ahte biddjojit doarvái ruđat vai dát šaddá vejolažžan.

Berit Kristine Hætta,
Bargiidbellodaga 1. evttohas Guovdageainnu válgabiires.

Kontoradresse

Bargiidbellodaga sámediggejoavku/
Arbeiderpartiets sametingsgruppe
Ávjovárgeaidnu 50
N-9730 Karasjok/Kárášjohka

Tlf: 975 77 333