Giella Giella
Máŋimuš ođđasat/Forside/Politihkka/Višuvdna

ÁLGGAHUS

Sámediggi lea álbmotválljejuvvon orgána Norgga sápmelaččaide, mii galgá nannet sápmelaččaid politihkalaš sajádaga ja ovddidit sápmelaččaid vuoigatvuođaid ja beroštumiid. Mii háliidit eambbo fokusa ovttasdoaibmamii ja ovttasbargui sámi servodagas. Min bajitdási mihttu lea nana Sámediggi mii lea  luohtehahtti sámi álbmogii. Vai olahit dan de áigut mii bargat nu ahte sámi iešmearrideapmi čađahuvvo álgoálbmogiid riikkaidgaskasaš iešmearridanvuoigatvuođa dohkkehuvvon norpmaid bokte. Dát vai sihkkarastá ahte sámi servodaga ovdáneapmi oktiivástida sápmelaččaid iežaset dárbbuiguin, árvvuiguin ja vuoruhemiiguin.

 

Bargiidbellodaga višuvdna lea ahte boahtte bulvii galgá guođđit juoidá mas lea eambbo árvu go das maid ieža badjelasas válddiimet. Beroškeahttá gos orut, de galget sámi servodagas leat ovttaárvosaš  vejolašvuođat kultursuodjaleapmái, kulturovdáneapmái ja kultuvrralaš máŋggabealatvuhtii.

Bargiidbellodat áigu čađahit politihka mii lea huksejuvvon vuoiggalaččat ja mas lea ovttaárvosašvuohta, oktavuohta ja searvadeapmi. Mii áigut láhčit dili nu ahte sápmelaččat sáhttet sihkkarastet ja ovddidit iežaset giela, kultuvrra ja servodateallima. Mii áigut nannet Sámedikki nu ahte das ain lea fágalaš čehppodat ja ahte dat ain lea dehálaš aktevra servodagas, mas sápmelaččat beroštit, nu ahte dat addá buoremus ávkki sámi servodahkii.

Bargiidbellodat áigu čađahit ceavzilis politihka, sosiála ja servodatkritihkalaš barggaheami vuođul, man vuođđun lea min oktasaš kulturárbi ja humánaehtalaš árvvut ja ideat.

Das galgá leat fokus eaŋkilolbmo dárbbuide ja sin árgabeaivái olles eallinagis.

Bargiidbellodat áigu oktiigullevašvuođas boahttevaš buolvvaiguin ain bargat vuoigatvuođaiguin, ja erenoamážit Sámivuoigatvuođalávdegotti II:in ja riddo- ja vuotnaguolásteddjiid vuoigatvuođaiguin. 

Giella Norsk - NorwegianGiella Sami - Samisk
Web levert av CustomPublish AS